قصيدة الخيل في شاعر المليون

مشاركة الشاعر فليح الجبور
ببرنامج شاعر المليون

يالون غزلان المها أو كمـا الغيـد ______ لا شافهـن قلـب المعنـى رمنـه
تشوفهن من يـوم يقفـن مطاريـد ______ وإليا أقبلـن يافرحـة اللـي يجنـه
لا قام يلعب ضافي الجيد على الجيد ______ يـون قلـب العـود ميتيـن ونـه
ما وقفت لا عند شايـب ولا وليـد ______ ما دام حـب وركبـة الخيـل سنـه
سلايـلٍ تلقـاه عـنـد الأجـاويـد ______ كل من نوى الهقوات مـا يخذلنـه
هقوات عنتـر والمهلهـل وأبازيـد ______ قبيلهـم سـود الليالـي غشـنـه
وإليا أقبلت من غاد ذيك المواعيـد ______ اللي ركي للطيب مـا يخيـب ظنـه
نبعٍ شرب من منبعـه كـل صنديـد ______ ولا هقوتـي كـل المنابـع رونـه
يسعى له الرجال مـن دون تمجيـد ______ الطيـب طيـب ولا تواتيـه مـنـه
الحر على الصيدات معتـاد تعويـد ______ ضاري على المقناص من صغر سنه
ذيب ولاهوب بهقوات ربعه معاضيد ______ هقوات وش مالعـز يرقـى رقنـه
اللي لا شب وليدهـم يشبـه الحيـد ______ يوم السنين اللـي تنافـض نصنـه
ولا زارت قلـوب الرجـال التنهايـد ______ ودمع العذارى كـل مـورد سقنـه
بكتوفهم ماتشـوف غيـر البواريـد ______ ورايتهم مـن فـوق روس الأسنـه
اللي حوافر خيلهـم لـو بهـا قيـد ______ وش مـا تمـد البيـد إلا وطـنـه
وإليا ارتخى المرباط لو هن مجاهيد ______ طلق الشروقـي بالصبـاح يغشنـه
مهرة حديهـم لا لكـد دون تشديـد ______ مرفرفـات الريـش مـا يلحقـنـه
عادات بـدو ولا وراهـا مقاصيـد ______ ولا عندهـم تحتـاج طنـه ورنـه
ولاهي على ماقالهـا زيـد وعبيـد ______ ومبرهجـات القـول مـا ينفعنـه
حتى الذواري لا غشت ناعـم البيـد ______ تسمع لها من شـدة الريـح زنـه
وعاد اللي تاهوا عن محاس التقاليد ______ ودايم لهم عن هقـوة النـاس كنـه
والزين منهم ما يتمدرى عن الكيـد ______ وهداف طلقيـن الشـوارب عزنـه
وعن شي يغنم شاربه قاصر الإيـد ______ وفاعيـل الزينيـن مـا لايمـنـه
ولا شب لهم نيران مثـل الأجاويـد ______ ولا فاح من صفـر المباهيـر بنـه
هـذا نقايـص بالرجـال ومناقيـد ______ وردات حـظ لكـل مـن جاورنـه
ما يشكي العلات غيـر المضاهيـد ______ ولا يفسد المعروف غيـر الممنـه

اللة يعطيك العافية على المشاركة بقصيدة الشاعر الكبيرفليح الجبور
وهذة القصيدة مشهورة. مشكوررررروقواك اللة

حياك الله يا الاصيل

مشكور يافتى الاحزان
ما يشكي العلات غيـر المضاهيـد ______ ولا يفسد المعروف غيـر الممنـه
اشكرك اخوي ونقل جميل
ومضمون القصيده رائع
وربما القاء فالح الجبور هو الذي جعلني لا تمعن بها كثير
القصيده جميله وهادفه

اشكرك
والله منت هين
ياخوي فتى الاحزان هذا مفخره وبداع
نعم نريد شباب اللواء هكذا

» من سيربح المليون
» قصيدة صوتية بعنوان(الهجفه) للشاعر عيد سعد ابو مانع